धरपकड होइन, संवेदनशील सूचना चुहावटसम्बन्धी विषयमा सोधपुछ गरिएको हो : मन्त्री पोखरेल

काठमाडौं - शिक्षा तथा खेलकुद मन्त्री एवं सरकारका प्रवक्ता सस्मित पोखरेलले पत्रकारमाथि भएको धरपकडबारे प्रधानमन्त्री तथा सरकारलाई पूर्वजानकारी नरहेको बताएका छन् । मन्त्रिपरिषद्का निर्णय सार्वजनिक गर्न मंगलबार आयोजित पत्रकार सम्मेलनमा बोल्दै प्रवक्ता पोखरेलले पत्रकारलाई नियन्त्रणमा लिइएको घटनाबारे सरकारलाई पहिले नै जानकारी नभएको स्पष्ट पारेका हुन् । उनका अनुसार पत्रकारमाथि धरपकड भएको जानकारी पाउनासाथ प्रधानमन्त्रीले उनीहरूलाई हिरासतमा नराख्न र तत्काल रिहा गर्न निर्देशन दिएका थिए । यसअघि पत्रकारलाई नियन्त्रणमा लिइएको विषयमा अनभिज्ञता ज...